न्यूक्लियर पॉवर कॉर्पोरेशनमध्ये विविध पदांची भरती

भारत सरकारच्या अणु ऊर्जा विभागाच्या अखत्यारित 'न्यूक्लियर पॉवर कॉर्पोरेशन ऑफ इंडिया लिमिटेड' हा सार्वजनिक उपक्रम कार्यरत आहे. अणु ऊर्जा केंद्रासाठी संबंधित जागेची निवड, अणु ऊर्जा केंद्राची संकल्पना, बांधकाम, व्यवस्थापन, देखभाल, नुतनीकरण, दर्जावाढ, प्रकल्पाचा विस्तार, आदी विविध कार्ये या महामंडळामार्फत केली जातात.

या महामंडळात मेकॅनिकल, केमिकल, इलेक्ट्रिकल, इलेक्ट्रॉनिक्स ॲण्ड कम्युनिकेशन, इन्स्ट्रुमेन्टेशन ॲण्ड सिव्हिल या विषयातील पदवीधर अभियंत्यांकडून एक्झीक्युटीव्ह ट्रेनी या पदांसाठी अर्ज मागविण्यात आले आहेत. या पदासाठी अर्जदारांनी गेट 2017 ही परीक्षा उत्तीर्ण होणे आवश्यक आहे. विस्तृत माहितीसाठी उमेदवारांनी कृपया http://www.gate.iitr.ernet.in या संकेतस्थळास भेट द्यावी. या महामंडळात काम करणे अत्यंत आव्हानात्मक आणि भवितव्याच्या दृष्टीने अत्यंत प्रेरणादायी आहे.

याच महामंडळात टेक्निकल ऑफिसर/डी, सायन्टिफिक ऑफिसर/सी, टेक्निकल ऑफिसर/सी, डेप्युटी मॅनेजर (फायनान्स ॲण्ड अकाऊंटस्), कनिष्ठ हिंदी अनुवादक या पदांसाठी अर्ज मागविले आहेत. टेक्निकल ऑफिसर/डी, सायन्टिफिक ऑफिसर/सी, टेक्निकल ऑफिसर/सी या तिन्ही पदांसाठी एकूण 43 जागा असून डेप्युटी मॅनेजर (फायनान्स ॲण्ड अकाऊंटस्), कनिष्ठ हिंदी अनुवादक या पदांसाठी प्रत्येकी 1 पद आहे. ही दिव्यांग उमेदवारांसाठी विशेष भरती मोहीम आहे.

अधिक माहितीसाठी उमदेवारांनी कृपया www.npcilcareers.co.in या संकेतस्थळास भेट द्यावी.

नेव्हल डॉकयार्डमध्ये 315 ॲप्रेन्टिसशीपच्या जागा

नेव्हल डॉकयार्ड, मुंबई कडून विविध संवर्गातील 315 ॲप्रेन्टिससाठी अर्ज मागविण्यात आले आहेत. काही पदांचा कालावधी 1 वर्ष तर काही पदांचा कालावधी 2 वर्षे इतका आहे. 1 वर्ष कालावधी असलेल्या पदांची व रिक्त जागांची माहिती अशी : (1) मेकॅनिस्ट - 15 जागा (2) इन्स्ट्रुमेंट मेकॅनिस्ट - 10 जागा, (3) फिटर - 40 जागा (4) मेकॅनिक मशीन टूल मेन्टेनन्स - 10 जागा (5) रेफ्रिजरेटर ॲण्ड एअरकन्डिशनिंग मेकॅनिक - 10 जागा (6) इलेक्ट्रोप्लेटर - 10 जागा (7) वेल्डर (गॅस ॲण्ड इलेक.) - 15 जागा (8) पेंटर (जनरल) - 10 जागा (9) मेसन (बीसी) - 15 जागा (10) ट्रेलर - 15 जागा (11) पॅटर्न मेकर - 15 जागा.

Click here for Recruitment Advt & Application Form

Read more: Naval Dockyard Mumbai Recruitment 2016 - 315 Apprentice Posts http://www.freejobalert.com/naval-dockyard-mumbai/12983/#ixzz4M7ytWS9J

 

तर 2 वर्षे कालावधी असलेल्या पदांची व रिक्त जागांची माहिती अशी : (1) मेकॅनिक (डिझेल)-25 जागा (2) फाऊंड्री मॅन-05 जागा (3) मेकॅनिक रेडिओ ॲण्ड रेडर (एअरक्रॉफ्ट) - 15 जागा (4) पावर इलेक्ट्रिशियन - 15 जागा (5) शीपराईट स्टील - 15 जागा (6) प्लम्बर-20 जागा (7) पाईप फिटर-15 जागा (8) रिगर (हेव्ही इंडस्ट्रिज) - 10 जागा (9) शीट मेटल वर्क -10 जागा (10) क्रेन ऑपरेटर (ओव्हरहेड एसआय) - 10 जागा (11) शीपराईट वुड - 15 जागा.

या पदांसाठी उमेदवाराचा जन्म 1 एप्रिल 1996 ते 31 मार्च 2003 या कालावधीत झालेला असावा. केंद्र शासनाच्या नियमानुसार अनुसूचित जाती-जमातीच्या उमेदवारांसाठी वयोमर्यादा 5 वर्षे शिथिलक्षम आहे. या पदांसाठी उमेदवार हे किमान 50 टक्के गुणांसह दहावी उत्तीर्ण तसेच संबंधित विषयातील आयटीआयची परीक्षा 65 टक्के गुणांसह उत्तीर्ण झालेले असावेत.

उमेदवारांची निवड लेखी परीक्षा, वैद्यकीय चाचणी आणि मुलाखतीच्या आधारे करण्यात येईल. उमेदवारांनी विहित नमुन्यातील अर्ज, प्रमाणपत्रांच्या साक्षांकित प्रती, पासपोर्ट आकाराची 5 छायाचित्रे, पॅन आणि आधारकार्डाची प्रत आदी कागदपत्रे साधारण पोस्टाद्वारे पीओ बॉक्स नं. 10035 जीपीओ, मुंबई - 1 या पत्त्यावर दि. 14 ऑक्टोबर, 2016 पूर्वी मिळतील अशा बेताने पाठवावे. या पदासाठींची लेखी परीक्षा येत्या डिसेंबर महिन्याच्या शेवटच्या आठवड्यात मुंबई येथे होण्याची शक्यता आहे.

नवी संधी : ग्रामविकास पदविका

भारत सरकारच्या ग्रामविकास मंत्रालयाच्या अखत्यारित 'नॅशनल इन्स्टिट्यूट ऑफ रुरल डेव्हलपमेंट ॲण्ड पंचायती राज' या संस्थेची स्थापना हैद्राबाद येथे करण्यात आली. केंद्र व विविध राज्य सरकारे, बँका, सार्वजनिक व खाजगी क्षेत्रातील उपक्रम, स्वयंसेवी संस्था आणि ग्राम विकासाशी संबंधित राष्ट्रीय आणि आंतरराष्ट्रीय संस्थांना तज्ज्ञ मनुष्यबळ उपलब्ध करुन देणे, त्यांना प्रशिक्षण देणे, ग्राम विकासात संशोधन करणे, ग्रामीण भागाचा विकास करणे अशा विविध उद्दिष्टांसाठी ही संस्था कार्यरत आहे.

या संस्थेच्या वतीने नुकतीच एक वर्ष कालावधीच्या निवासी स्वरुपाच्या ग्रामीण विकास व्यवस्थापनातील पदविका अभ्यासक्रमाच्या प्रवेशाची घोषणा करण्यात आली आहे. या अभ्यासक्रमासाठी अर्ज करणारे उमेदवार हे कुठल्याही विषयातील पदवीधर असावेत. दि. 01 जानेवारी 2017 पूर्वी पदवी प्राप्त करु शकणारे उमेदवारही अर्ज करण्यास पात्र आहेत. या अभ्यासक्रमाचा कालावधी जानेवारी 2017 ते डिसेंबर 2017 असा आहे.

या अभ्यासक्रमासाठी दि. 06 नोव्हेंबर 2016 रोजी बंगळूरु, भोपाळ, भुवनेश्वर, चेन्नई, गोवाहाटी, हैद्राबाद, जयपूर, जम्मू, कोलकाता, लखनऊ, नवी दिल्ली, पटना, पुणे व तिरुवनंतपुरम याठिकाणी अखिल भारतीय प्रवेश परीक्षा होईल. हे केंद्र वाढविण्याचा किंवा बदलण्याचा अधिकार संस्थेस राहील. प्रवेश परीक्षा, समूहचर्चा आणि मुलाखतीच्या आधारे उमेदवारांची निवड करण्यात येईल. अभ्यासक्रम यशस्वीरित्या पूर्ण केल्यानंतर नोकरी मिळण्यासाठी संस्था सहाय्य करील. परंतु संस्था नोकरीची हमी देत नाही. भारत सरकारच्या धोरणानुसार अनुसूचित जाती, अनुसूचित जमाती, इतर मागासवर्ग आणि दिव्यांग उमेदवारांसाठी आरक्षण उपलब्ध आहे.

या अभ्यासक्रमासाठी अर्ज करण्याची अंतिम तारीख 26 ऑक्टोबर 2016 अशी आहे. अर्जाचा नमुना आणि अधिक माहितीसाठी उमेदवारांनी कृपया www.nird.org.in/pgdrdm.aspx या संकेतस्थळास भेट द्यावी.

संपर्कासाठी पत्ता-
को-ऑर्डिनेटर (ॲडमिशन) सेंटर फॉर पीजी स्टडीज ॲण्ड डिस्टेंस एज्युकेशन (सीपीजीएस अॅण्ड डीई),
नॅशनल इन्स्टिट्यूट ऑफ रुरल डेव्हलपमेंट ॲण्ड पंचायती राज,
राजेंद्रनगर, हैद्राबाद-500 030
दूरध्वनी क्र. 040-24008460/442/572
टेलीफॅक्स-040-24008522
मोबाईल-8499865285

केंद्रीय वखार महामंडळात 644 पदांसाठी भरती

केंद्रीय वखार महामंडळात 644 पदांसाठी भरती

भारत सरकारच्या ग्राहक व्यवहार, अन्न व नागरी पुरवठा मंत्रालयाच्या अखत्यारित केंद्रीय वखार महामंडळ आहे. कृषी उत्पादने तसेच कृषी मालांसाठी शास्त्रीय साठवण सुविधा पुरविणाऱ्या आणि आयात-निर्यात कार्गोसाठी एअर कार्गो संकुले, लॅण्ड कस्टम स्टेशन्स, सीएफएसज/आयसीडीज इ. सारखे पायाभूत सोयी सुविधांसह अन्य अधिसूचित ग्राहकोपयोगी चीजवस्तूंसाठी साठवण सुविधा पुरविणाऱ्या केंद्रीय वखार महामंडळ, शेड्युल-ए या मिनी रत्न, गट-I उद्योगातर्फे व्यवस्थापन प्रशिक्षणार्थी (सर्वसाधारण) - 37 पदे, व्यवस्थापन प्रशिक्षणार्थी (तांत्रिक) - 06 पदे, सहाय्यक अभियंता (सिव्हिल) - 15 पदे, अकाऊंटंट (लेखापाल)- 18 पदे, अधीक्षक (सर्वसाधारण) - 130 पदे, कनिष्ठ अधीक्षक - 130 पदे, कनिष्ठ तांत्रिक साहाय्यक - 300 पदे, स्टेनोग्राफर - 08 पदे अशी पदे आहेत.

1) व्यवस्थापन प्रशिक्षणार्थी (सर्वसाधारण) - या पदासाठी उमेदवार हे पर्सोनल मॅनेजमेंट किंवा ह्युमन रिसोर्स मॅनेजमेंट किंवा इंडस्ट्रियल रिलेशन किंवा मार्केटिंग मॅनेजमेंट किंवा सप्लाय चैन मॅनेजमेंट या विषयासह प्रथम श्रेणीत एमबीए झालेले असावेत.

2) व्यवस्थापन प्रशिक्षणार्थी (तांत्रिक) - या पदासाठी उमेदवार हे इन्टोमोलॉजी किंवा मायक्रोबायलॉजी किंवा बायो-केमिस्ट्री या विषयासह प्रथम श्रेणीत कृषी विषयातील मास्टर पदवीधर असावेत. बायो-केमिस्ट्री किंवा इन्टोमोलॉजी हा विषय घेऊन प्रथम श्रेणीत झुऑलॉजीतील मास्टर पदवीधर असावेत. ज्या उमेदवारांकडे पोस्ट ग्रॅज्युएट डिप्लोमा इन वेअरहाऊसिंग ॲण्ड कोल्ड चैन मॅनेजमेंट क्वॉलिटी मॅनेजमेंट ही पदवी असेल त्यांना प्राधान्य देण्यात येईल.

3) सहाय्यक अभियंता (सिव्हिल) - या पदासाठी उमेदवार हे सिव्हिल इंजिनियरिंगमधील पदवीधर असावेत.

4) अकाऊंटट (लेखापाल) - या पदासाठी उमेदवार हे बीकॉम किंवा बीए (कॉमर्स) किंवा चार्टड अकाऊंटंट किंवा कॉस्ट आणि वर्क अकाऊंटन्टस् किंवा इंडियन ऑडिट आणि अकाऊंटस् डिपार्टमेंटमधील 3 वर्षाचा अनुभव असलेले एसएएस अकाऊंटन्टस् असावेत.

5) अधीक्षक (सर्वसाधारण) - या पदासाठी उमेदवार हे कुठल्याही विषयातील मास्टर पदवी धारण केलेले असावेत.

6) कनिष्ठ अधीक्षक - या पदासाठी उमेदवार हे कुठल्याही विषयातील पदवीधर असावेत.

7) कनिष्ठ तांत्रिक साहाय्यक - या पदासाठी उमेदवार हे ॲग्रीकल्चर/झुऑलॉजी या विषयातील पदवीधर असावेत. झुऑलॉजी पदवीत त्यांनी केमिस्ट्री किंवा बायो-केमिस्ट्री हा एक विषय घेतलेला असावा.

8) स्टेनोग्राफर - या पदासाठी उमेदवार हे मॅट्रिक उत्तीर्ण व किमान 80 शब्द प्रति मिनिट इंग्रजी लघुलेखन आणि 40 शब्द प्रति मिनिट इंग्रजी टंकलेखनाची परीक्षा उत्तीर्ण केलेली असावी.

या पदांसाठी वयोमर्यादा 25 वर्षे इतकी आहे. या पदांसाठी लेखी परीक्षा आणि मुलाखतीच्या आधारे उमेदवारांची निवड केली जाईल. उमेदवारांनी ऑनलाईन पद्धतीने अर्ज सादर करावयाचे आहेत. अन्य कोणत्याही माध्यमांद्वारे अर्ज स्वीकारण्यात येणार नाहीत.

अर्ज सादर करण्याची अंतिम तारीख 13 ऑक्टोबर, 2016 अशी आहे.

निवड प्रक्रिया, सर्वसाधारण माहिती, अर्हता व अनुभव यांसह पात्रता निकषांसंबंधी तपशिलवार माहितीसाठी तसेच पात्र उमदेवारांनी अर्ज करण्यासाठी ऑनलाईन यंत्रणेमार्फत सीडब्ल्यूसीच्या www.cewacor.nic.in अथवा www.cwcjobs.com या संकेतस्थळांस भेट द्यावी अथवा क्यूआर कोड्स स्कॅन करावेत.

पत्ता -
केंद्रीय वखार महामंडळ,
(आघाडीची शेड्युल 'ए' मिनीरल भारत सरकारचा उपक्रम)
कॉर्पोरेट कार्यालय, 4/5, सिरी इन्स्टिट्यूशनल एरिया,
ऑगस्ट क्रांती मार्ग, हौझ खास,
नवी दिल्ली – 110016.

- देवेंद्र भुजबळ,
संचालक (माहिती)(प्रशासन) 

भारत सरकारची शिष्यवृत्ती

महाराष्ट्र राज्य माध्यमिक व उच्च माध्यमिक शिक्षण मंडळ, पुणे यांनी फेब्रुवारी/मार्च 2016 मध्ये घेतलेल्या उच्च माध्यमिक (इयत्ता बारावी) प्रमाणपत्र परीक्षेमध्ये कला, वाणिज्य व विज्ञान या विद्याशाखांमधील उच्चतम गुणवत्ताप्राप्त विद्यार्थ्यांना पुढील पदवी व पदव्युत्तर शिक्षणासाठी भारत सरकारची सेंट्रल सेक्टर शिष्यवृत्ती योजना, उच्च शिक्षण संचालनालय, पुणे यांच्यातर्फे राबविण्यात येते. या योजनेचा लाभ राज्यातील सर्व पात्र विद्यार्थ्यांना घेता यावा यासाठी नवीन मंजुरीचे आणि प्रथम नुतनीकरणाचे अर्ज ऑनलाईन पद्धतीने व शिष्यवृत्तीच्या द्वितीय, तृतीय व चतुर्थ नुतनीकरणाचे अर्ज ऑफलाईन पद्धतीने मागविण्यात येत आहेत.

नवीन मंजुरीसाठी व प्रथम नुतनीकरणासाठी विद्यार्थ्यांनी ऑनलाईन पद्धतीने www.scholarships.gov.in या संकेतस्थळावरुन अर्ज सादर करणे आवश्यक आहे. विद्यार्थ्यांच्या अर्जासोबत आधारकार्ड असणे आवश्यक आहे व त्याचा आधार क्रमांक हा त्यांच्या बँक खात्याशी संलग्न असणे आवश्यक आहे. नवीन मंजुरीचा अर्ज करण्याच्या विस्तृत पद्धतीसाठी www.dhepune.gov.in या संकेतस्थळावर प्रसिद्ध जाहिरातींचे व सूचनांचे पालन करावे.

शिष्यवृत्तीच्या प्रथम ऑनलाईन नुतनीकरणासाठी विद्यार्थ्याने ऑनलाईन अर्ज भरणे आवश्यक आहे. शिष्यवृत्तीच्या ऑफलाईन नुतनीकरणासाठी मागील वर्षाच्या परिक्षत किमान 60 टक्के किंवा त्यापेक्षा अधिक गुण प्राप्त करणे आवश्यक आहे. द्वितीय, तृतीय व चतुर्थ नुतनीकरणसाठी विद्यार्थ्यांनी शिष्यवृत्तीच्या नुतनीकरणासाठीचा अर्ज भरुन आवश्यक त्या कागदपत्रांसह महाविद्यालयाकडे दि. 20 ऑक्टोबर, 2016 पर्यंत जमा करणे आवश्यक आहे. महाविद्यालयाने सदर अर्जाची छाननी करुन शिष्यवृत्तीसाठी पात्र अर्ज दि. 30 ऑक्टोबर, 2016 पर्यंत संबंधित सहसंचालक कार्यालयाकडे जमा करावेत. संबंधित यादी उच्च शिक्षण संचालनालयास दि. 15 नोव्हेंबर, 2016 पर्यंत जमा करावी. विहित मुदतीनंतर प्राप्त अर्जाचा विचार करण्यात येणार नाही, याची नोंद घेण्यात यावी.

नवीन मंजुरी व प्रथम नुतनीकरणासाठी ऑनलाईन ॲप्लिकेशन सिस्टिम पद्धतीने विद्यार्थ्यांनी अर्ज भरण्याची अंतिम तारीख 30 सप्टेंबर, 2016 अशी आहे.

योजनेची विस्तृत जाहिरात, नूतनीकरणाच्या प्रथम, द्वितीय आणि चतुर्थ ऑफलाईन अर्जाचा नमुना, मार्गदर्शक सूचना विद्यार्थ्यांना www.dhepune.gov.in या संकेतस्थळावर उपलब्ध आहेत. तसेच अधिक माहितीसाठी संबंधित विभागीय सह संचालक, उच्च शिक्षण किंवा संचालक, उच्च शिक्षण संचालनालय, मध्यवर्ती इमारत, पुणे शिष्यवृत्ती विभाग यांचा दूरध्वनी क्रमांक 020-26126939 यावर संपर्क साधावा.

माजी सैनिक/विधवांचे पाल्य/विधवा यांना आर्थिक मदत

माजी सैनिक/विधवांचे पाल्य/विधवा यांना केंद्रीय सैनिक बोर्ड, नवी दिल्ली यांच्याकडून रक्षा मंत्री विवेकाधीन निधीमधून विविध प्रकारे आर्थिक मदत करण्यात येते. या आर्थिक मदतीचा तपशील, त्यासाठी आवश्यक पात्रता, अर्जासोबत लागणारी कागदपत्रे आणि अर्ज सादर करण्याचा कालावधी/अंतिम दिनांक यांचा तपशील पुढीलप्रमाणे आहे.

1) चरितार्थासाठी आर्थिक मदत - माजी सैनिक/विधवा यांच्यासाठी निवृत्तीवेतन धारक नसलेले व वय 65 वर्षे पूर्ण झालेले हवालदार/समकक्ष पदापर्यंतची पात्रता आवश्यक आहे. यासाठी माजी सैनिकांचे डिस्चार्ज पुस्तक, वयाबाबतचा पुरावा (ज्यामध्ये जन्मतारीख नमूद आहे), जिल्हा सैनिक कार्यालयाने दिलेले ओळखपत्र, बँक पासबुक प्रत इत्यादी कागदपत्रे आवश्यक आहेत.

2) 100% अपंगत्व आलेल्या माजी सैनिकांच्या मुलांसाठी - माजी सैनिक/विधवा यांचे पाल्य यांच्यासाठी 100% अपंगत्व असलेल्या हवालदार/समकक्ष पदापर्यंतची पात्रता आवश्यक आहे. यासाठी माजी सैनिकांचे डिस्चार्ज पुस्तक ज्यामध्ये पाल्यांचे नावाची नोंद, 100% अपंगत्व प्राप्त झाल्याबाबतचे मिलीटरी/शासकीय दवाखान्याचे प्रमाणपत्र, माजी सैनिकांचे व अवलंबिताचे ओळखपत्र, बँक पासबुक प्रत इत्यादी कागदपत्रे आवश्यक आहेत.

3) मुलीच्या विवाहासाठी/विधवांच्या पुनर्विवाहासाठी आर्थिक मदत - माजी सैनिक/विधवा यांच्या मुली व माजी सैनिक विधवा यांच्यासाठी हवालदार/समकक्ष पदापर्यंतची पात्रता आवश्यक आहे. यासाठी माजी सैनिकांचे डिस्चार्ज पुस्तक ज्यामध्ये पाल्यांच्या नावाची नोंद, मुलीच्या वयाचा दाखला, विवाह नोंदणी दाखला (रजिस्टार/सरपंच), बँक पासबुक प्रत, लाभार्थींनी मुलीच्या विवाहाकरिता शासनाकडून मदत न घेतल्याचे प्रमाणपत्र इत्यादी कागदपत्रे आवश्यक आहेत.

4) वैद्यकीय आर्थिक मदत - माजी सैनिक/विधवा यांच्यासाठी निवृत्ती वेतन नसलेले हवालदार/समकक्ष पदापर्यंतची पात्रता आवश्यक आहे. यासाठी माजी सैनिकांचे डिस्चार्ज पुस्तक, उपचार केलेल्या डॉक्टराची प्रतीस्वाक्षरी केलेली बिलाच्या मूळ बिलासह प्रती, माजी सैनिकांचे/विधवेचे ओळखपत्र, बँक पासबुक प्रत, लाभार्थींनी शासनाकडून मदत न घेतल्याचे प्रमाणपत्र, डिस्चार्ज स्लीप इत्यादी कागदपत्रे आवश्यक आहेत.

5) एन.डी.ए. कॅडेट आर्थिक मदत - माजी सैनिक/विधवा यांच्या पाल्यांना हवालदार/समकक्ष पदापर्यंतची पात्रता आवश्यक आहे. यासाठी माजी सैनिकांचे डिसचार्ज पुस्तक ज्यामध्ये पाल्यांचे नावाची नोंद, जिल्हा सैनिक कार्यालयाने दिलेले ओळखपत्र, एन.डी.ए. कॅडेटची बँक पासबुक प्रत (पीएनबी/एसबीआय फक्त), एनडीए चे प्रमाणपत्र इत्यादी कागदपत्रे आवश्यक आहेत.

6) घर दुरुस्तीसाठी आर्थिक मदत (नैसर्गिक आपत्ती) - माजी सैनिक/विधवा मुली व माजी सैनिक विधवा यांच्यासाठी हवालदार/समकक्ष पदापर्यंतची पात्रता आवश्यक आहे. यासाठी माजी सैनिकांचे डिस्चार्ज पुस्तक/प्रमाणपत्र, घर स्वत:च्या नावावरती असलेले प्रमाणपत्र, बँक पासबुक प्रत (पीएनबी/एसबीआय फक्त), पालकांचे मृत्यूची प्रमाणपत्रे (अनाथ मुली), नुकसान झाल्याबाबत शासन/महसूल यांचे प्रमाणपत्र, 100% अपंगत्व प्राप्त झाल्याबाबतचे प्रमाणपत्र (माजी सैनिक/विधवा), शासनाकडून नुकसान भरपाई न मिळाल्याबाबतचे प्रमाणपत्र, नैसर्गिक आपत्ती घोषित केल्याबाबतचे शासनाचे प्रमाणपत्र इत्यादी कागदपत्रे आवश्यक आहेत.

7) अंत्यविधीसाठी अर्थिक मदत - माजी सैनिकांच्या विधवांसाठी हवालदार/समकक्ष पदापर्यंतची पात्रता आवश्यक आहे. यासाठी माजी सैनिकांचे डिस्चार्ज पुस्तक, मुत्यू प्रमाणपत्र, जिल्हा सैनिक कार्यालयाने दिलेले विधवेचे ओळखपत्र, बँक पासबुक प्रत (पीएनबी/एसबीआय फक्त), एडलर्स मदत न मिळाल्याबाबतचे प्रमाणपत्र इत्यादी कागदपत्रे आवश्यक आहेत.

8) अनाथ पाल्याकरिता आर्थिक मदत - माजी सैनिक/विधवांसाठी हवालदार/समकक्ष पदापर्यंतची पात्रता आवश्यक आहे. यासाठी माजी सैनिकांचे डिस्चार्ज पुस्तक/प्रमाणपत्र ज्यांमध्ये पाल्यांचे नावाची नोंद, बँक पासबुक प्रत, पालकांचे मृत्युची प्रमाणपत्रे, जिल्हा सैनिक कार्यालयाने दिलेले अवलंबिताचे ओळखपत्र, जन्म प्रमाणपत्र, विवाह न झाल्याबाबतचे प्रमाणपत्र इत्यादी कागदपत्रे आवश्यक आहेत.

9) माजी सैनिक विधवांना व्यावसायिक शिक्षणासाठी आर्थिक मदत - माजी सैनिक विधवांसाठी हवालदार/समकक्ष पदापर्यंतची पात्रता आवश्यक आहे. यासाठी माजी सैनिकांचे डिस्चार्ज पुस्तक, माजी सैनिक विधवेचे ओळखपत्र, प्रशिक्षण पूर्ण केल्याबाबतचे संस्थेचे प्रमाणपत्र, बँक पासबुक प्रत (पीएनबी/एसबीआय फक्त), प्रशिक्षण पूर्ण केल्यानंतर नोकरीसाठी लाभदायक असल्याचे जि.सै.क.कार्यालयाचे प्रमाणपत्र इत्यादी कागदपत्रे आवश्यक आहेत.

10) पंतप्रधान शिष्यवृत्ती योजना - माजी सैनिक विधवा पाल्य/शौर्यपदक धारकांच्या पाल्यांसाठी अधिकाऱ्यांव्यतिरिक्त सर्व पदधारकाची पात्रता आवश्यक आहे. यासाठी माजी सैनिकांचे प्रमाणपत्र सदर घटनेच्या (प्रपत्र 1 मध्ये दिल्यानुसार), बोनाफाईड प्रमाणपत्र (प्रपत्र 2 मध्ये दिल्यानुसार), पाल्याचे बँक खात्याशी संलग्न असलेले आधारकार्ड (प्रपत्र 3 मध्ये दिल्यानुसार), स्वयं साक्षांकित शालांत परीक्षा प्रमाणपत्र, किमान 10 + 2/ पदवीधर मार्क्स लिस्ट (3 वर्ष)/ पदविका (सहा सेमीस्टर), पाल्याच्या बँक खात्याच्या पासबुकची पहिल्या पानाची प्रत (पीएनबी/एसबीआय फक्त), पीआरओ ची प्रत 1 ते 5 वर्गवारीनुसार इत्यादी कागदपत्रे आवश्यक आहेत. क्रमांक 3, 4, 5, 6, 7 व 9 या तपशीलांकरिता सदर घटनेच्या दिनांकापासून एक वर्ष तर क्र. 10 या तपशीलाकरिता दि. 01 सप्टेंबर 2016 ते 15 नोव्हेंबर, 2016 पर्यंत असा कालावधी आहे. या योजनेचे फॉर्म भरण्याची प्रक्रिया दि.01 जून, 2016 पासून www.ksb.gov.in या संकेतस्थळावर ऑनलाईन भरण्याची प्रक्रिया सुरु झाली असून कागदोपत्री अर्ज स्विकारले जाणार नाहीत. या तपशिलाच्या अधिक माहितीसाठी संबंधित जिल्हा सैनिक कल्याण कार्यालय, सैनिक कल्याण विभाग, पुणे व केएसबी सेक्रेटरिया हेल्पलाईन क्र. 011-26715250 (एक्सटेन्शन 215) यांच्याशी संपर्क साधावा.

पत्ता –

सैनिक कल्याण विभाग महाराष्ट्र राज्य,
'रायगड', दुसरा मजला, राष्ट्रीय युद्ध स्मारका समोर,
घोरपडी, पुणे – 411 001
दूरध्वनी क्र. – 020-66262605
ईमेल – resettle.dsw@mahasainik.com
वेबसाईट – www.mahasainik.com

आय.बी.पी.एस. : क्षेत्रीय ग्रामीण बँकांमध्ये 16 हजार 560 पदांसाठी भरती

देशातील खाजगी बँकांचे राष्ट्रीयीकरण 1969 साली करण्यात आले. या बँकांचे राष्ट्रीयीकरण करण्यात आल्यानंतर सर्व बँकांमध्ये योग्य कर्मचारी आणि अधिकाऱ्यांची भरती करण्याचे मोठे आव्हान उभे राहिले. या भरती प्रक्रियेत पारदर्शकता यावी, योग्य उमेदवारांची निवड व्हावी, उमेदवारांची शैक्षणिक, व्यावसायिक पात्रता समान राहावी यासाठी राष्ट्रीय स्तरावर निवड संस्था असण्याची गरज भासू लागली. त्यामुळे नॅशनल इन्स्टिट्युट ऑफ बँकिंग मॅनेजमेंट या संस्थेत विशेष शाखा उघडण्यात आली.

1984 साली या शाखेचे रुपांतर ''इन्स्टिट्युट ऑफ बँकिंग पर्सोनेल सिलेक्शन'' या स्वतंत्र संस्थेत करण्यात आले. ही संस्था स्वायत्त असून इंडियन बँक असोसिएशन या संस्थेची सदस्य आहे. एसएनडीटी विद्यापीठाने या संस्थेला व्यवस्थापन क्षेत्रात पीएचडी करण्याची सुविधा उपलब्ध करुन दिली आहे. संस्थेतील वरिष्ठ प्राध्यापक, विभाग प्रमुखांना पीएचडी गाईडचा दर्जा देण्यात आला आहे. स्थापनेपासून देशातील राष्ट्रीकृत बँकांमध्ये भरती करण्याची मोठी जबाबदारी ही संस्था सक्षमपणे पार पाडीत आहे.

संस्थेने नुकतीच क्षेत्रीय ग्रामीण बँकांच्या गट अ - अधिकारी आणि गट ब - कार्यालय सहायक या पदांच्या भरतीसाठी घोषणा केली आहे. या पदांसाठी ऑनलाईन पद्धतीने नोव्हेंबर आणि डिसेंबर 2016 मध्ये परीक्षा घेण्यात येईल.

या परीक्षेद्वारे 16 हजार 560 जागांसाठी भरती करण्यात येईल. यामध्ये ऑफिसर असिस्टंट (मल्टीपर्पज) या पदासाठी 8 हजार 824 जागा, ऑफिसर्स स्केल I या पदासाठी 5 हजार 539 जागा, ऑफिसर्स स्केल II (ॲग्रीकल्चर) या पदासाठी 152 जागा, मार्केटिंग ऑफिसर्स या पदासाठी 75 जागा, ट्रेजरी मॅनेजर या पदासाठी 19 जागा, लॉ ऑफिसर्स या पदासाठी 55 जागा, चार्टर्ड अकाऊंटंट ऑफिसर्स या पदासाठी 35 जागा, इन्फॉर्मेशन टेक्नॉलॉजी ऑफिसर्स या पदासाठी 130 जागा, जनरल बँकिंग ऑफिसर या पदासाठी 1 हजार 533 जागा आणि ऑफिसर्स स्केल III मध्ये 198 जागा उपलब्ध आहेत.

ऑफिसर असिस्टंट (मल्टीपर्पज) या पदासाठी उमेदवाराचे वय 18 ते 28 वर्षादरम्यान, ऑफिसर स्केल I या पदासाठी 18 ते 30 वर्षादरम्यान, ऑफिसर्स स्केल II या पदासाठी 21 ते 32 या वर्षादरम्यान, ऑफिसर्स स्केल III या पदासाठी 18 ते 40 वर्षादरम्यान असावे. या पदांसाठी उमेदवाराची वयोमर्यादा 01 नोव्हेंबर, 2016 रोजीची धरण्यात येईल. अनुसूचित जाती-जमातीच्या उमेदवारांसाठी 5 वर्षे, इतर मागासवर्ग उमेदवारांसाठी 3 वर्षे तर दिव्यांग उमेदवारांसाठी 10 वर्षांपर्यंत वयोमर्यादा शिथिलक्षम आहे.

ऑफिसर असिस्टंट (मल्टीपर्पज), ऑफिसर स्केल I, ऑफिसर्स स्केल II (जनरल बँकिंग ऑफिसर) या पदासाठी उमेदवार कुठल्याही विषयातील मान्यताप्राप्त विद्यापीठाचे पदवीधर असावेत. ऑफिसर्स स्केल II (इन्फॉर्मेशन टेक्नॉलॉजी ऑफिसर्स) या पदासाठी उमेदवार हे इलेक्ट्रॉनिक्स/कम्युनिकेशन/कॉम्प्युटर सायन्स/इन्फॉर्मेशन टेक्नॉलॉजी किंवा समकक्ष विषयातील मान्यताप्राप्त विद्यापीठाचे पदवीधर असावेत. ऑफिसर्स स्केल II (ॲग्रीकल्चर) या पदासाठी उमेदवार हे ॲग्रीकल्चर/हॉर्टीकल्चर/डेअरी/ॲनिमल हसबन्ड्री/फॉरेस्ट्री/वेटरनरी सायन्स/ॲग्रीकल्चर इंजिनियरिंग/ फिसीकल्चर या विषयातील पदवीधर असावेत.

उमेदवारांची निवड ही लेखी परीक्षा आणि प्रत्यक्ष मुलाखतीच्या आधारे करण्यात येईल. पात्र उमेदवारांनी आपले अर्ज ऑनलाईन पद्धतीने दिनांक 30 सप्टेंबर, 2016 पर्यंत भरावयाचे आहेत.

अर्जाचा नमुना आणि अधिक माहितीसाठी उमेदवारांनी कृपया संस्थेच्या www.ibps.in या संकेतस्थळास भेट द्यावी. उमेदवारांनी ऑनलाईन नोंदणी करण्यापूर्वी सविस्तर अधिसूचना वाचावी आणि त्यात नमूद केलेल्या सूचनांचे पालन करावे.

इंडियन ऑईलमध्ये विविध अभियत्यांना संधी

इंडियन ऑईल कॉर्पोरेशन ही भारतातील या क्षेत्रातील सर्वात मोठी व्यावसायिक यंत्रणा आहे. इंडियन ऑईलची आर्थिक वर्ष 2015-16 मध्ये 3 लाख 99 हजार 601 कोटी एवढी उलाढाल होती. इंडियन ऑईलने गेल्या आर्थिक वर्षात 10 हजार 399 कोटी एवढा नफा मिळविलेला आहे.

जगातील प्रतिष्ठेच्या अशा ग्लोबल 500 यादीत इंडियन ऑईलचा क्रमांक 161 वा तर भारतात पहिला आहे. इंडियन ऑईलमध्ये सध्या जवळपास 33 हजार अभियंते, अधिकारी, कर्मचारी कार्यरत आहेत.

गेल्या 5 दशकांपासून देशाची इंधनाची गरज इंडियन ऑईल भागवित आहे. देशात जवळपास 45 हजार ग्राहक सेवाकेंद्रांमार्फत इंडियन ऑईल ग्राहकांना सेवा देत आहे. यामध्ये 25 हजाराहून अधिक पेट्रोल व डिझेल पंप, 6 हजार 200 किसान सेवा केंद्रे आहेत. देशातील 55 शहरांमध्ये 9 हजार 400 पेट्रोल पंप पूर्णपणे स्वयंचलित झाले आहेत. इंडियन ऑईलमध्ये सेवा करणे हे केवळ आर्थिकदृष्ट्याच फायदेशीर नसून अत्यंत प्रतिष्ठेचे मानले जाते.

इंडियन ऑईलने नुकतीच सिव्हिल, केमिकल, इलेक्ट्रिकल, मेटालॉर्जी, मेकॅनिकल, इन्स्ट्रुमेन्टेशन, कॉम्प्युटर सायन्स ॲण्ड आयटी, इलेक्ट्रॉनिक्स ॲण्ड कम्युनिकेशन, पॉलमर सायन्स ॲण्ड इंजिनियरिंग या विषयातील अभियांत्रिकी पदवीधरांकडून इंजिनियर्स/ऑफिसर्स या पदांसाठी अर्ज मागविले आहेत. या पदांची भरती उमेदवारांची समूहचर्चा, व्यक्तिगत मुलाखत आणि त्यांच्या गेट 2017 च्या गुणांकनाच्या आधारावर करण्यात येईल. या पदांसाठी खुल्या प्रवर्गातील उमेदवारांचे वय 26 वर्षापर्यंत असावे. इतर मागासवर्ग, अनुसूचित जाती, अनुसूचित जमाती, दिव्यांग उमेदवारांसाठी नियमानुसार वयोमर्यादा शिथीलक्षम आहे. उमेदवारांची वयोमर्यादा दि. 30 जून, 2017 रोजी गणली जाईल.

या पदांसाठी अर्ज करणाऱ्या उमेदवारांनी अखिल भारतीय तंत्र शिक्षण परिषद किंवा युनिवर्सिटी ग्रॅण्ट कमिशनमार्फत मान्यता प्राप्त विद्यापीठ किंवा संस्थेतून बीटेक/ बीई पदवी किंवा समकक्ष पदवी धारण केलेली असावी. ही पदवी संबंधित विषयातील असावी. पदवी परीक्षेच्या शेवटच्या वर्षाला असणारे उमेदवार देखील अर्ज करण्यास पात्र आहेत. खुल्या प्रवर्गातील उमेदवारांना किमान पदवी परीक्षेत 65 टक्के तर राखीव संवर्गातील उमेदवारांना किमान 55 टक्के गुण मिळालेले असावेत.

उमेदवारांनी गेट 2017 च्या परीक्षेसाठी स्वतंत्रपणे अर्ज करावयाचे आहेत. गेटसाठी अर्ज करण्याची अंतिम तारीख 04 ऑक्टोबर, 2016 अशी आहे. गेट परीक्षेसाठी त्यांना दि. 05 जानेवारी, 2017 पर्यंत प्रवेश पत्र मिळेल. त्यानंतर इंडियन ऑईल कॉर्पोरेशनसाठी अर्ज करण्याची अंतिम तारीख 04 फेब्रुवारी, 2017 अशी आहे. गेट परीक्षेच्या अधिक माहितीसाठी उमेदवारांनी http://www.iitr.ac.in/gate या किंवा आयआयटीएस मुंबई, दिल्ली, गुवाहाटी, कानपूर, खरगपूर आणि मद्रास तसेच इंडियन इन्स्टिट्युट ऑफ सायन्स, बँगलोर या संस्थेच्या संकेतस्थळांना भेट द्यावी.

अधिक माहितीसाठी उमेदवारांनी कृपया इंडियन ऑईल कॉर्पोरेशनच्या www.iocl.com या संकेतस्थळास भेट द्यावी.

आदिवासी युवक, युवतींसाठी कौशल्य विकास

भारत सरकारच्या रसायन व पेट्रोरसायन विभाग, रसायन आणि खते मंत्रालय विभागाच्या सेंट्रल इन्स्टिट्युट ऑफ प्लास्टिक्स इंजिनिअरिंग ॲण्ड टेक्नोलॉजी (सिपेट), औरंगाबाद व महाराष्ट्र शासनाच्या आदिवासी विकास आयुक्तालयाच्या संयुक्त विद्यमाने कौशल्य विकास कार्यक्रमांतर्गत पात्रता धारक व शारीरिक दृष्ट्या सक्षम परंतु सद्यस्थितीत शिक्षण घेत नसलेल्या आदिवासी युवक, युवतींकडून विहीत मुदतीत अर्ज मागविण्यात येत आहेत.

(1) प्लास्टिक प्रोसेसिंग मशिन ऑपरेशन (पीपीएमओ) - 25, (2) इन्जेक्शन मॉडलिंग मशिन ऑपरेशन (आयएमएमओ) - 15 जागा, (3) एक्सट्रुशन मशिन ऑपरेशन (ईएमओ) - 53, (4) टूल रुम मशिन ऑपरेशन (टीएमओ) - 30 आणि (5) सीएनसी मशिन ऑपरेशन (सीएनसी) - 10 जागा उपलब्ध आहेत. या चारही अभ्यासक्रमांसाठी उमेदवार हा दहावी उत्तीर्ण झालेला असावा. या अभ्यासक्रमांसाठी उमेदवाराचे वय 18 ते 25 वर्षे असावे. या चारही अभ्यासक्रमांचा कालावधी 6 महिने असा आहे.

हे प्रशिक्षण पूर्णकालीन, निवासी व नि:शुल्क असून या प्रशिक्षणादरम्यान निवास व भोजनाची व्यवस्था शासनामार्फत करण्यात येईल व मुलाखतीसाठी येण्या-जाण्याचा खर्च (रेल्वे किंवा बस तिकीट सादर केल्यास) देण्यात येईल. प्रशिक्षण सुरु झाल्यावर उमेदवारास प्रशिक्षणात गैरहजर राहता येणार नाही अथवा प्रशिक्षण मध्येच सोडून जाता येणार नाही.

या अभ्यासक्रमांसाठी इच्छुक पात्रताधारक उमेदवारांनी विहीत नमुन्यातील अर्ज व त्यानुषंगिक कागदपत्रांच्या छायांकित प्रतींसह दि. 05 ऑक्टोबर, 2016 पर्यंत खालील पत्त्यावर सादर करावेत. त्यानंतर सादर केलेले अर्ज विचारात घेतले जाणार नाहीत, याची उमेदवारांनी नोंद घ्यावी. पात्रता परीक्षा व मुलाखत दि. 13 ऑक्टोबर, 2016 रोजी होईल.

अर्जाचा नमुना व अधिक माहितीसाठी उमेदवारांनी www.cipet.gov.in / www.mahatribal.gov.in या संकेतस्थळास भेट द्यावी.

पत्ता -
मुख्य प्रबंधक (प्रकल्प),
सेंट्रल इन्स्टिट्युट ऑफ प्लास्टिक्स इंजिनिअरिंग ॲण्ड टेक्नोलॉजी (सिपेट),
(रसायन व पेट्रोरसायन विभाग, रसायन आणि खते मंत्रालय, भारत सरकार),
प्लॉट नं. जे 3/2, एम.आय.डी.सी. चिकलठाणा,
औरंगाबाद – 431 006.
दूरध्वनी क्र. – 0240-2478316, 317
मोबाईल नं. – 9325687907, 9325687910
फॅक्स –2478333
ईमेल – cipetabad@gmail.com, aurangabad@cipet.gov.in

Central Bank of India Risk Managers 30/09/2016

Click Here for the Details
APPLY ONLINE

Name of post    vacancy    Min age    Max Age

Credit Officer    38    20    30
Risk Managers    23    20    30


Minimum Qualification / Experience

Credit Officer
Graduate with Full time MBA in Finance from AICTE
/  UGC  approved  University/  College  with  aggregate  of
60% Marks
or
Graduate with PGDBM in Finance from AICTE / UGC
approved  University/  College  with  aggregate  of  60%
Marks.
or
A pass in final examination of the Institute of Chartered Accountants of India (ICAI).

Risk Managers
B.Tech /MCA with MBA (Finance) from AICTE / UGC
approved  University/  College  with  aggregate  of  60%
Marks
.
or
M.Sc.  Maths from  AICTE  /  UGC  approved  University/

LIFE PLUS - LIC OF INDIA रिक्तपदांची संख्या : 100, अंतिम तारीख: 31/12/2016

Organisation Details

Organisation Name: LIFE PLUS - LIC OF INDIA	Organisation Sector:  Government
Email Id:  arun.shinde@licindia.com	Website: licindia.com

Vacancy Details

Vacancy Order No. : 20050156
Designation : INSURANCE ADVISOR	रिक्तपदांची संख्या : 100
रिक्त पदाचा प्रकार : : Permanent	रिक्त पदाचे स्वरूप : Part Time
Post Category : Group A
वेतनाचा पट्टा : 4860 - 20200	श्रेणी वेतन : 1800
पर्यंतचे वय : 24/07/2016	आवेदनपत्राची अंतिम तारीख: 31/12/2016
Will you consider candidates with Higher Education Level?: Y	Max Qualification: Post Graduate
Job Description : WORKING WITH LIC OF INDIA AS AN FREELANCE INSURANCE ADVISOR, ATTRACTIVE LONG TIME COMMISSION

LIC OF INDIA Adviser रिक्तपदांची संख्या : 300

Organisation Details

Organisation Name: LIC OF INDIA	Organisation Sector: Government
Email Id: adviseragnet.lic@gmail.com	Website: www.licindia.com

Vacancy Details

Vacancy Order No. : 20049844
Designation : Adviser	रिक्तपदांची संख्या : 300
रिक्त पदाचा प्रकार : : Permanent	रिक्त पदाचे स्वरूप : Part Time
Post Category : Other
वेतनाचा पट्टा : 4860 - 20200	श्रेणी वेतन :
पर्यंतचे वय : 30/08/2016	आवेदनपत्राची अंतिम तारीख: 30/09/2016
Will you consider candidates with Higher Education Level?: Y	Max Qualification: Post Graduate

LIC Agent

Organisation Name: LIC	Organisation Sector: Government
Email Id: sudhirsanap@yahoo.com	Website:

Vacancy Details

Vacancy Order No. : 20052415
Designation : LIC Agent	रिक्तपदांची संख्या : 45
रिक्त पदाचा प्रकार : : Permanent	रिक्त पदाचे स्वरूप :
Post Category : Other
वेतनाचा पट्टा :	श्रेणी वेतन :
पर्यंतचे वय : 15/09/2016	आवेदनपत्राची अंतिम तारीख: 30/09/2016
Will you consider candidates with Higher Education Level?: Y	Max Qualification: Doctorate
Job Description : This is an opening for LIC Agents on Purely Commission basis, Location: Kalyan-Dombivali,Dist.Thane State.Maharashtra, Those who are interested and from above mention cities, Do call between 10 am to 5 pm for interview to Development Officer on 9833551388.

Vacancy Eligibility Details

Sr.No.	Eligibility Criteria	Total Exp. in Months

1

Diploma AND HSC in Commerce(H.S.C) AND Graduate AND Post Graduate AND Doctorate AND SSC

1

महाराष्ट्र सागरी मंडळ

महाराष्ट्र सागरी मंडळ
3 रा मजला, भारतीय मर्कंटाईल चेंबर्स, Ramjibhai Kamani मार्ग, बॅलार्ड इस्टेट, मुंबई 400 038.

दूरध्वनी: 91-22-22612143/ 5457/ 1734/ 22692409/ 22658375.
फॅक्स: 91-22-22614331.
ईमेल: ceommb@gmail.com

वेब-मास्टर
दूरध्वनी : 022-22655641
ईमेल : mis.pmu@mmb.maharashtra.gov.in

पॉवर ग्रीड कार्पोरेशनमध्ये विविध पदांच्या जागा

Recruitment of ET 22nd Batch through GATE 2016 in Electrical, Electronics, Civil and Computer Science Disciplines (Advt. No. CC/05/2016 dtd. 13.09.2016) Detailed Advertisement 

मुंबई उच्च न्यायालयात कायदा लिपीक पदाच्या १०० जागा

मुंबई उच्च न्यायालयात कायदा लिपीक पदासाठी (१०० जागा) ऑनलाईन अर्ज मागविण्यात येत आहेत. 
अर्ज करण्याची अंतिम तारीख ३० सप्टेंबर २०१६ आहे. 

Notice

Format of Application

 अधिक माहिती http://bombayhighcourt.nic.in या संकेतस्थळावर उपलब्ध आहे.

Mazagon Dock , Post : Assistant Manager (Finance)

Mazagon Dock , Post : Assistant Manager (Finance)
 more info
or Apply online 

Last Date To Apply : 22 Sep 2016 upto 23:59

Contact: श्री अविनाश माली Mr Avinas h Mali

प्रबन्धक (मा.सं. - समवाय) Manager (HR-CR)

माझगांव डॉक लिमिटेड Mazagon Dock Ltd .

मुंबई 400 010 Mumbai 400 010

फोन 022- 2376 4108

माझगांव डॉकमध्ये विविध पदाच्या ८० जागा , अंतिम तारीख २८ सप्टेंबर २०१६

माझगांव डॉकमध्ये विविध पदाच्या ८० जागा
माझगांव डॉक शिपबिल्डर्स लिमिटेडमध्ये कंत्राटी तत्त्वावरील ज्युनि. ड्राफ्टसमन (मेकॅनिकल) (३ जागा), ज्युनि. प्लानर एस्टिमेटर (मेकॅनिकल)(१ जागा), ज्युनि. क्यू.सी.तपासणीस (मेकॅनिकल)(३ जागा), स्टोअरकीपर (१ जागा), फिटर (२ जागा), स्ट्रक्चरल फॅब्रिकेटर (१३ जागा), रीगर (२८ जागा), कॉम्प्रेसर अटेण्डन्ट (१ जागा), ब्रास फिनिशर (१ जागा), मशिनिस्ट (१ जागा), मिल राइट मेकॅनिक (२ जागा), इलेक्ट्रिशिअन ((२ जागा), इलेक्ट्रॉनिक मेकॅनिक (२ जागा), कार्पेटर (१ जागा), कॉम्पोझिट वेल्डर ((५ जागा), सिक्युरीटी सिपॉय (२ जागा), लस्कर (१ जागा), फायर फाइटर (४ जागा), युटिलिटी हॅण्ड (निम-कुशल)(३ जागा), चिपर ग्राइण्डर (४ जागा) अशा एकूण ८० जागांसाठी अर्ज मागविण्यात येत आहेत. अर्ज करण्याची अंतिम तारीख २८ सप्टेंबर २०१६ आहे. अधिक माहिती www.mazagondock.gov.in या संकेतस्थळावर उपलब्ध आहे. 

श्री तुषार देशमुख Mr Tushar Deshmukh

प्रबन्धक (भर्ती-कामगार एवं कर्मचारी) Manager(Recruitment -NE)

माझगांव डॉक लिमिटेड Mazagon Dock Ltd .

मुंबई 400 010 Mumbai 400 010

फोन 022- 2376 4125